HARREMANETARAKO
WWW.EAJ-PNV.EUS
Berriak
Gasteiz
2020/01/14
Udalak 360.000 euro baino gehiago inbertituko ditu “Vitoria-Gasteiz Hobetuz” partaidetza-prozesuaren fruitua den proiektu horretan
Gaur goizean hasi dira Ospitale plaza eraberritzeko obrak. Lanen lehen zatia Done Jakue hiribidean egingo da; gaur goizean hasi dira makinak lanean bertan. Gasteizko Udalak Ospitale plaza —Guardien plaza izenez ere ezaguna— eraldatuko du, irisgarriagoa eta modernoagoa izan dadin. Balgorza enpresa arduratuko da lanez, Udalak 362.034,58 euroko inbertsioa eginda (BEZa barne). Urtaranen gobernuak bultzatutako esku-hartzea “Vitoria-Gasteiz Hobetuz” izeneko partaidetza-prozesuaren fruitua da, eta aipatu plaza modernizatzea eta hobetzea ekarriko du. Udalak plazaren 650 metro karratuko azaleran jardungo du, baita Frantzia kaleko 120 metro karratutan eta Done Jakue hiribideko 200 metro karratutan ere. Lanak gauzatzeko epea lau hilabetekoa da.
Gasteiz
2019/12/29
Gasteizek Emakumeen Etxearekiko konpromisoa berritu du
okiko Gobernu Batzarrak Sorginenea-Casa de las Mujeres de Vitoria-Gasteiz elkartearekiko hitzarmena luzatzea onetsi du gaur, eta horrela aurten abian jarritako Emakumeen Etxearekiko konpromisoa berritu du hiriak. “Emakumeen Etxea kudeaketa-proiektu bateratua finkatzearen alde lan egiten jarraituko dugu, emakumeak ahalduntzeko espazio gisa ulerturik, partaidetzaren bitartez gizartea eraldatzeko, eta etxea topaketa, truke eta hausnarketarako espazio gisa ikusia izan dadin bultzatzeko”, adierazi du alkate Gorka Urtaranek.
Gasteiz
2019/12/28
Udal Gobernuak kudeatzeko, akordioetara iristeko eta proiektuak gauzatzeko duen gaitasuna areagotuko du Gorka Urtaranek 2020an
2019ko azken Tokiko Gobernu Batzarraren ostean, Gasteizko alkateak aurtengo udal kudeaketaren balantzea egin du, eta datorren urterako erronka eta proiektu nagusiak izan ditu hizpide. “Kudeatzen dakien, akordioak lortzen dakien eta proiektuak gauzatzen dakien udal gobernua osatzen dugu, eta gaitasun horiek guztiak areagotu egingo ditugu legealdian zehar. Etorkizuneko proiektuz beteriko Agenda gasteiztarra dugu agintaldi honetan garatzeko“, azpimarratu du Gorka Urtaranek.
Gasteiz
2019/12/27
377.259 euro bideratuko ditu Udalak Eraztun Berdeko landaredia kontserbatzera
“Parkeetako natura- eta paisaia-balioak kontserbatzeko eta horiek erabilera publikorako, aisialdirako eta hezkuntzarako egokitzeko, aldian behin mantentze-lanak egin behar dira, hala nola belar-sastrakak moztu, ureztatu, inausi, erein, landatu edo izurriteak kontrolatu. Urteetan, eremu hondatuak ekologiari eta paisaiari dagokienez lehengoratzeko eta erabilera publikorako egokitzeko munta handiko jarduerak egin izan dira, baina oraindik ere badira hiriaren kanpoaldean hainbat eremu hondatu, berreskuratzeke, eta espazio batzuk bestekin korridore ekologikoen bitartez lotuko dituen konexio-sistema osatzeke dago”, azaldu du alkateak.
Gasteiz
2019/12/23
Gorka Urtaranek herritarrei eguberriak zoriondu dizkie, BetiONen bitartez
EUDELen elkarteburu eta Vitoria-Gasteizko alkate Gorka Urtaranek BetiON Telelaguntza Zerbitzuko call centerrean hartu du parte, gaur goizean, Erandioko eta Portugaleteko alkate eta EUDELen Batzorde Eragilearen kide Aitziber Olibánekin eta Mikel Torresekin batera, bai eta beste alkateekin batera ere: Arrigorriaga, Maite Ibarra, Barakaldo, Amaia del Campo, Bilbao, Juan Mari Aburto, Elorrio, Idoia Buruaga, eta Laudio, Ander Añibarro.
Gasteiz
2019/12/22
Udalak bat egin du Inmigraziorako Euskal Itun Sozialarekin
Pasa den azaroaren 30ean, Iñigo Urkulluk Gasteizen aurkeztu zuen “elkartasuna, beharrizana eta dibertsitatearen errespetua zirela eta” hainbat erakunderekin batera adostutako agiria. Agiri honek egungo migrazio erronkei erantzun partekatu eta bateratua ematea defendatzen du
Gasteiz
2019/12/20
Gasteizko Udalbatzak 2020rako aurrekontua onetsi du
Udalbatzak EAJ-PNV, PSE-EE eta Elkarrekin-en arteko akordio politikoa berretsi du, eta Gasteizek 2020an aurrekontua izatea ahalbidetuko du horrek. Zuzenketen bidez erantsitako azken aldaketak kontuan hartuta, datorren urterako gastuen proiektua 393,1 milioi euroraino iritsiko da (udal sozietate eta enpresen aurrekontuak kanpo utzita). Gaur hasierako onespena eman ondoren, partikularrek alegazioak aurkezteko epea irekiko da abenduaren 30etik urtarrilaren 21era arte, eta 2020ko urtarrilaren 28an indarrean jartzea aurreikusi da.
Gasteiz
2019/12/19
Gasteizko Udalak eta El Corte Inglés-ek akordioa itxi dute Santa Barbarako zamalanetarako nasa lurperatzeko
“Santa Barbara plazako zamalanen lurperatzea errealitatea da dagoeneko. Oso akordio ona lortu dugu Gasteizentzat, Santa Barbarako auzokoen eskaera historiko bati erantzuten baitio eta, aldi berean, inguruko bide segurtasuna eta erosotasuna hobetuko baitira“, azaldu du Gasteizko alkateak. Gorka Urtaranek El Corte Inglés-en “jarrera ona” azpimarratu du. “Haren ekarpen ekonomikoa ezinbestekoa da ikuspuntu tekniko, administratibo eta ekonomikotik bideragarria den irtenbideari ekiteko”.
Gasteiz
2019/12/18
Angélica Dass argazkilariaren Humanae proiektua erakusketan, Migratzaileen Nazioarteko Egunean azalaren kolorearen inguruan hausnar egiteko
Proiektuko argazkietan 19 herrialde eta 33 hiritako ia 4.000 boluntariok hartu dute parte
Gasteiz
2019/12/13
ASAJER elkartearen jardunaldia Europa jauregian, ausazko jokoen auziaren ingurukoak aztertzeko
Udalak badu auzia zuzenean jorratzeko gune bat, kirolen alorrean, eta bereziki gazteen sentsibilizazio eta prestakuntzaren alorrean. Udabaltzak berak aho batez islatu du zeregin honetan Udalaren konpromisoa; eta erakunde eta elkarteen artean egiten ari garena garrantzitsua bada ere, jakin badakigu erronka berriei ere erantzun behar diegula”, aipatu du Livia Lópezek.
Gasteiz
2019/12/13
Urtaranen gobernuak ia 800 lanpostu betetzeko LEP bat onetsi du, besteak beste, administrazio, mantentze, informazio eta kontrol kategorietan
“Zalantzarik gabe, Gasteizko Udalaren historian inoiz egin den enplegu eskaintza handienaren aurrean gaude, 2001ean deitutako 462 lanpostuen gainetik. Mugarria da enplegu egonkorra eta kalitatekoa sortzeari dagokionez, eta udal plantillaren behin-behinekotasun portzentajea % 5era jaisteko hartu dugun konpromisoari erantzuten dio“, adierazi du Gorka Urtaran alkateak.
Gasteiz
2019/12/11
Gasteizek klima-aldaketaren kontra borrokatzeko irtenbideak azaldu dizkie gazteei eta gizarte antolakundeei, Klimaren Gailurraren barruan
Alkateordeak alderdi hauek nabarmendu ditu: “naturan bertan oinarritutako irtenbideak, gure Eraztun Berdearen arrakasta, hiriko azpiegitura berdearen sarea, eta planteamendu berdeei jarraituz gure udalerrian uholdeen prebentziorako hartu diren neurriak. Gasteiz eredua eta erreferentea da”.
