EBBren lehendakariak aipatu zuen baita, garai politiko berrien ataritan “Euzko Alderdi Jeltzalearen egoera ona dela”. Haren ustez, erronka bat baino ez omen da izango: “Berriro ere asmatu beharra, gure aurretik 1979an hartu beharreko erabakiak hartu zituztenen ildotik, demokrazia aldeko apustua eginez eta orduan suspertu ziren lehen autogobernu-aukerak ukatu zituztenen kontra”. Imazen iritziz “ez dago azken 27 urteotako kultura, hizkuntza, gizarte eta ekonomiazko garapena ikusi baino, asmatzen jakin izan genuela harro asko konturatzeko. Batzuei 30 urte kostatu zaizkie gure arrakastaz jabetzea eta oraindik ere ez dira jendaurrean aitortzeko gauza”.

Imazek esan bezala, berriro asmatu ahal izateko errezeta orduko berbera baino ez da orain ere: “Batetik ideia argiak, irmoak, errotik abertzaleak gara, orain dela 111 urte euskal nazioa defenditzeko eta garatzeko sortutako Alderdiaren kideak, hain zuzen ere. Eta, bestetik, Herri hau lideratzeko gertu eta gizartearen gehiengoaren aldarriei erantzun zehatzak emateko prest egon garenak eta egongo garenak”.