Beatriz Artolazabal Gizarte Arazoen Arloko bozeramaile abertzaleak salatu du “PPk atzera egin eta ez duela orain dela urtebete baino gehiago eman zuen hitza bete eta zahar gehien dituen Vitoria-Gasteizko auzoan etxebizitzak eraikitzeari uko egiten dion alderdi politiko bakarra dela”.

Zinegotziak aipatu du biztanleak pixkanaka eta etengabe zahartzen doazela eta datu bidez adierazi du 2010ean 60tik gorako pertsonak guztizko biztanleriaren % 25 izango direla. Gaur egun, udalak 32 pertsona ditu tutoretzapeko etxebizitza eskuratzeko itxaron-zerrendan. Zinegotziaren hitzetan, “erakunde-arduradunek ez diegu soilik gaur egungo beharrei erantzuna eman behar, baizik eta etorkizunekoei ere aurrea hartu behar diegu eta talde horri zuzendutako egoitza-aukerak jarri behar ditugu abian. Tutoretzapeko etxebizitzak zehazki eskaera gehien duen baliabideetako bat”.