Radio Euskadiri eskainitako elkarrizketan, Gerenabarrenak PSE-EEri egotzi dionez “edozer erabiltzeko gai dira hauteskundeetako emaitza txarrak, Faisan auziak eta mahai gainean izan daitezkeen bestelakoak estaltzeko”.

Argitu duenez “hemen, epaileen eskuetan dagoen kasua dago, eta ikusteko dago hortik zer ateratzen den” eta “justiziari dagokio jarduera bakoitzaren legaltasuna edo ilegaltasuna  ezartzea” iragarri ondoren baieztatu duenez “legezkoa denaren gainean medioen indar osoa erortzen bada, galdetu beharko dugu zer egin behar ote den epaile aurrera eraman aurretik ere bizitza hondatzen zaion pertsonarekin“.

Burukide abertzaleak azaldu duenez  “justiziak azkarra izan behar du denentzat, inputatuta daudenentzat eta  dena EAJren lepoen gainera jartzeaz nekatzen hasiak direnentzat”.  Amaitzeko eskatu du “albait arinen argi dadila benetan zer gertatu  den, eta justiziak berea egin dezala albait arinen eta bere indar osoarekin; eta inork komisio ilegalik jaso badu, ordaindu beharko du”.