Arabako EAJren alderdikide batzuek ABB berria sortu zen bozketak baliogabetzeko jarri duten errekurtsoaren aurrean, Agirrek baieztatu du Alderdia “demokratikoa” dela eta “botere banaketa” dagoela eta “botereok elkarren artean independenteak” direla. “Gaia une honetan dago Aberri Epaimahaian, eta erakunde horrek erabakiko du” azaldu du.

Beste alde batetik Arabako EAJri “nolabaiteko biraketa” egitearen aldeko agertu da, alderdi “irekiagoa eta gardenagoa“ egiteko, “kaleko errealitateari” lotuagoa eta “intentsitate handiagoz“ arabar gizartearen “eztabaida handietan” egon dadin“, EAJk garai batean Arabar erakundeetan izan zuen lidergoa berreskura dezan .