Ramiro González Jeltzaleen bozeramaileak Foru Ganberan aurkeztu duen komunikatuan esaten denez, egin diren adierazpen horiek "agerian uzten dute" De Andrések "PPren hautesleentzat soilik" gobernatzen duela, eta "azken hauteskundeotan alderdi abertzaleen aldeko botoa eman zuten arabar herritarrak mesprezatzen" dituela .

Zentzu honetan, Gonzálezek kritikatu duenez De Andrések "ez omen du ezberdintzen ahaldun nagusi gisa eta Arabako PPren idazkari nagusi gisa hitz egiten duenean". Jeltzalearen esanetan "bere hitzek kentzen diote ahaldun nagusi den aldetik dagokion balioa". Ondorioz, zuzentzea eskatu dio, bere adierazpenek "arabar gizartearen gehiengoa iraintzen baitute".