Iragan uztailaren 24an, Udal honetako osoko bilkurak  oposizioko lehen taldeak aurkeztu zuen mozioa onartu zuen, alkateari Estatuko Gobernuarengandik baliabide ekonomiko handiagoak lortzeko lana egitea eskatzeko. "Azken aldian berri txarrak baino ez ditugu jaso Rajoyren Exekutiboaren aldetik. Trenbidea lurperatzeko proiektuaz ez dakigu ezer, eta ez dugu ezer espero; abiadura handiko trenak garai hobeak etorri arte itxaron beharko du; aireportua 24 ordutan zabalik egotetik igaro da 12 ordutan zabaltzera; pentsiodunen pentsioetan inoizko murrizketa egingo da,...Hain eszenatoki ezkorrean jakin nahi duguna da Alderdi Popularraren gobernuak ezer onik emango ote digun. Vitoria-Gasteizek konpromiso ekonomiko duina behar du, eta ez hondakin batzuk" azaldu du Urtaranek.

EAJ-PNVren Udal Taldeak Maroto Ogasun Batzordean agertzea eskatu du Estatuko Aurrekontu Orokorretan udalerri honentzako 25 milioi euroko partida lortzeko egin dituen gestioak azal ditzan- arestian aipatu mozioan eskatu zenari jarraiki.