“Azkenean logika nagusitu da. Ez zuen inolako zentzurik 90 minutuko linea diseinatzeak, zeren ibilbidea 60 minututan ere egin baitaiteke; gainera, linea hori norabide bietaranzkoa izan daiteke, ibilbideak laburtuko ditu eta maiztasuna ere hobetu egingo du”, adierazi du Euzko Alderdi Jeltzalearen zinegotzia den Iñigo Antiak.

Talde Jeltzalearen aburuz, ekarpen horrek mugikortasun hobea ahalbidetzen du eta etorkizunari begira ere hobeto bideraturik dago Salburua eta Zabalgana auzoei inoizkotan zerbitzua emate aldera. “Funtsean, behin betiko trazatua xehekatu barik badago ere, linea lehiakorragoa eta erakargarriagoa izango da gure hirian garraio publikoa sustatzeko”, azaldu du Antia jeltzaleak.