“Adierazpen horiek zeharo laidogarriak dira, eta Udalean lanean sartzeko gainerako lanpostugaiekin berdintasun-baldintza berberetan oposizioak egin zituzten pertsona guztiekiko errespetu falta erakusten du horrek”, adierazi du Iñaki Prusilla zinegotzi jeltzaleak.

Prusillak esan duenez, “zorionak eman nahi dizkiegu, kartsuki, etxe honetan urte askoan lan egin ondoren omenaldia jasoko duten langileei, baina ez gara harrera-ekitaldira joango, alkatearen jarrera zeharo arbuiatzen dugula agertarazi nahi dugulako; izan ere, horrelako jarrerek hogei urtean zehar beren esfortzuari esker Udal Administrazioan lanpostuak lortu zituzten langileak (ehunka langile) iraintzen dituzte”.