Zehazki, joan den urtarrilean Alderdi Popularrak onartutako mozioan, Gobernu Taldeari berariaz eskatu zitzaion “etorkizunean ibilgailuak eskuratzean gehienetan bioerregaiak erabil ditzaketenak edo etorkizunean erregai ez-fosilen energia-aukeretara moldatu daitezkeenak eros ditzala”.

Horrez gainera, iaz alkateak berak Gasteiz Klimaren aldeko Espainiako Hirien Sarera atxikitzea proposatu zuen, sare horretan erregai fosilen (gas naturala, adibidez) ondoriozko isurpen kutsatzaileak murrizteko berariazko konpromisoa baitago. Eta, are gehiago, Ingurugiro Gaietarako Ikastegiaren txosten teknikoek ere udalaren flotan gasa ez erabiltzea aholkatzen dute, eta energia berriztagarrien alde egiten dute.