Gaur egun, bost antzoki horiek urtean batez beste berrehun egunetan baino gehiagotan erabili gabe geratzen dira, eszenikoa ez den beste edozein jarduera programatzeko ezartzen diren betekizun teknikoak direla medio. Iñigo Antia zinegotzi nazionalistak adierazi duen bezala, “hitzaldiak, jardunaldiak edo mahai-inguruak egin nahi dituzten talde askok ezin dituzte gizarte-etxeetako antzokiak erabili, horretarako, besteak beste, teknikari espezializatua kontratatu behar baitute bertako ekipamenduez ardura dadin. Hori ekonomikoki onartezina da antzoki horien balizko erabilera askori dagokienez”.

Hori ikusita, EAJ-PNV alderdiak gizarte-etxeen sareko bost antzokiak eszenikoak ez diren beste jarduera osagarri batzuk ere garatzeko egokitzea proposatu du.