Bihar Gasteizko EAJren Udal Taldea parte hartzeko tresna honetaz baliatuko da lehen aldiz eta, hemendik aurrera, aldizka erabiliko du. Atarirako lasterbidea www.iristen.net/partehartu da. Vale Tenak, Herritarren Parte-hartzearen arloko bozeramaile nazionalistak, adierazi duen bezala, “ekintza horren bidez, beste urrats bat egin dugu Udalbatzak martxoko osokoan onetsi zituen Parte Hartzeko Jardunbide Egokien Dekalogoa garatzeko”.

Interesatuta daudenek Mikel Martinezi galderak eta oharrak egin diezazkioten aukeratu den gaia dela eta, Vale Tenak esan du zezen-plazaren kalea berritzeko esleipenak sortu duen polemika “azken urteotan garrantzi sozial gehieneko udal-arazoa bihurtu dela. Gure ustez, une egokia da gai honen inguruan gasteiztarrek dituzten galderak eta iritziak zuzenean biltzeko”.