Talde Nazionalistaren mozioak bi gauza biltzen ditu alde batera, lehenengo eta behin etxebizitza duina izateko eskubidea eta, bestetik, lurzoruaren gehiegiko okupazioa ekiditen duen garapen iraunkorra. Ildo honetatik Udalak erabaki zuen eraikuntzako dentsitateak zabalduko zirela Salburua eta Zabalganan.

Hori gorabehera sendotuta dauden hiriko alde batzuetan merkataritzako makina bat lokal dago, beheko solairuetan kokatuta, aspaldiko urteetan jarduerarik ez dutenak. Horiei erabilera emateko EAJk etxebizitza bihurtzea proposatu du, hori bai, baldintza batzuk betez. “Prozedura kontrolatua ezarriko genuke espekulazioa ekiditeko eta bizigarritasuna, eraikuntzako kalitatea eta inguruarekiko harmonia bermatzeko”, adierazi du Martinezek.