Horrek traba ugari sortu ditu bai ekoizleentzat bai zonako trafikorako. Istiluak ere egon dira pertsonen eta poliziaren artean; honek, gainera, isun ugari jarri ditu eta ibilgailuren bat ere kendu du.

Ingurumen arloko bozeramaile jeltzalea den Malentxo Arruabarrenak esan duenez, “ez dugu ulertzen zergatik nekazaritza-azoka Hornidura plazara mugitu zuen gobernu-talde berak, orain, ekoizleei eraso egiten dien eta ez dien zamalanak behar bezala egiten uzten. Hasieratik ohartarazi genuen zona horretan arazoak egongo zirela ibilgailuak uzteko. Ez du zentzu askorik ekoizlea behartzea autoa zenbait kale urrunago uztera eta salgaiak bere posturaino ekartzera. Horrek istripuak, osasun-arazoak eta eragozpenak eragin ditzakete”.