“Egoera honetara iritsi gara, zeren PP hil askotan itxaropen faltsuak sorrarazten tematu baita, eta orain, berriz, ez daki nola atzez egin barregarri geratu barik. PPk huts egin die hiritarrei, zeren hiritarrek ekimen pribatu bat beren zergen bidez ordaintzen ez jarraitzea espero baitzuten. Kale egin die merkatariei eta auzotarrei, zerbitzu honek kuota bat ordaintzerik merezi ez duela uste dutelako, ez baita horren erabilgarria. Izan ere, erdiguneko merkatarien % 5ak baino ez du horretarako konpromisoa hartu. Eta azkenik, kale egin die gauzain-zerbitzuko langileei berei, ez baitute enplegu honetan hasieran espero zuten lanbiderik aurkitu”, adierazi du Malentxo Arruabarrenak, Ekonomi Sustapenerako arloan diharduen bozeramaile jeltzaleak.