2006/06/02

Gasteizko EAJren Udal Taldeak herritarrei zuzendutako bi topaketa egingo ditu Garraio sailburuarekin, tranbiaren proiektua xehetasun handiagoz ezagutarazteko

Gasteizko EAJren Udal Taldeak herritarrei zuzendutako bi topaketa egingo ditu datozen egunotan, tranbiaren proiektua ezagutzera emateko; topaketa horietan Eusko Jaurlaritzaren Garraio sailburuak ere hartuko du parte. Bertaratzen direnek hemendik gutxira Vitoria-Gasteizen ere instalatuko den garraiobide honen inguruko iradokizunak eta galderak egiteko aukera izango dute. Lehen topaketa datorren ekainaren 5ean, astelehena, izango da, Arriagako gizarte-etxean; eta bigarrena, berriz, ekainaren 13an, Floridako kultur etxean.