Batetik, aireztapen-sistema ere ez dela nahikoa ikusi da, bereziki, ikasketa-gelan, eta aire girotuko sistema ere beharko omen da. Bestetik, topaketa-aretoa oso txikia eta gaizki konfiguratuta dagoela kexatu da hainbat jende, orain dela gutxi lekuz aldatu behar izan baita. Horrez gain, esan behar da oraindik ez dela abian jarri aipatutako mediateka.

Iñigo Antia zinegotzi abertzalearen hitzetan, “laster ikusi ahal izango dugu zein kalte eragiten dituen gizarte-etxe integratua ez egiteak, baina, oraingoz, alderdi soziokulturala da erabiltzaileen beharrei ez erantzuteagatik nabarmentzen dena; horietako askok Europako gizarte-etxean hobeto zeudela adierazi dute”.