Euzko Alderdi Jeltzaleak, hurrengo udalbatzan aurkeztuko duen proposamenean, gobernu taldeari eskatzen dio beharrezko jardunak egin ditzala Gasteizen dauden isurpen kontrolatugabeko puntu guztiak ezabatzeko. Era berean, Malentxo Arruabarrenak uste du gogor lan egin behar dela biztanleak kontzientziatzeko. “Isurpenak ezabatzea ez da nahikoa; biztanle guztiak inplikatu behar dira, antzeko egoerak berriz gerta ez daitezen”. EAJren proposamenaren beste alderdi bat zaintza eta babesa dira. Horretarako, mozio jeltzaleak Udaltzaingoaren Ingurumen Babeserako Unitateko zuzkidura gehitzea proposatzen du, baita Auzolan laneratze programa garatzea ere, horren bidez, lan-merkatuan sartzeko arazoak dituzten kolektiboek natura zaintzeko lan bereziak egin ahal izateko.