Garapeneko Lankidetzarako proiektuen deialdiak, 2000 urtean hasita, eskabide guztiak barematzeko oinarri batzuen bidez eraentzen dira. Euskadi-Cuba GKEak aurkeztu zuen proiektuaren xedea irisgarritasun zaileko nekazarien herrixka bateko etxebizitzak elektrifikatzea da eta erabat betetzen ditu oinarriak eta balorazio teknikorik onenetakoa lortu zuen. Izan ere seigarren baloraziorik altuena lortu zuen.

“Ez dugu sekula antzeko ezer ikusi. Ez dago inolako arrazoi logikorik Kubarekin lankidetzan jarduteko proiektuari uko egiteko. Ematen du gobernuko taldearentzat garrantzitsuena ez dela oinarriak betetzea, PPren planteamendu ideologikoei egokitzea baizik”, adierazi du Lehendakaritza Saileko bozeramaile jeltzalea den Unai Grajalesek, eta aldi berean Euskadi-Cuba GKE gobernu taldearen erabakiaren aurkako errekurtsoa aurkeztera animatu du.