Mikel Martinez bozeramaile jeltzalearen helburua urtea amaitu baino lehen funtsezko garraio azpiegitura honen oinarrizko proiektuaren kontratazio-espedientea lehiaketara ateratzeko espedientea onartuta egotea.

Proposamen jeltzalearen asmoa Eusko Jaurlaritzak Euskadin geltoki intermodalak sustatzeko duen aurrekontu partida baliatzea da. “Trena lurperatzeko eta hainbat garraio publiko geltoki bakarrean integratzeko proiektuek Lakuak aurten emango dituen laguntza ekonomikoak jasotzeko aukera ematen digute. Arriagakoa bezalako funtsezko azpiegitura egiteko milioi erdi euro inguru jaso ditzakegu. Egin beharreko bakarra dirua lortzeko lanean jartzea da”, adierazi du Mikel Martinez bozeramaile jeltzaleak.