Batzar Nagusietako EAJren bozeramailearen esanetan, oraindik goiz da usteekin hasteko, eta Alderdiaren ohiko prozedurekiko errespetua eskatu du. “Bada barne prozesua hautagaiak aukeratzeko, eta datorren udazken arte ez da hasiko. Alderdiak hautagai posible ugari ditu. Horrez gain, Arabarako eta Gasteizako proiektua landu du zehazki, eta ziur nago arabarren babesa jasoko duela hurrengo hauteskundeetan”¸ nabarmendu du Iturritxak.

Bozeramaile jeltzaleak azpimarratu duenez, nahiz eta beste talde politikoek legegintzaldia amaitutzat jotzen duten, oraindik ere hilabete asko gelditzen dira lan egiteko eta ekimen eta proiektuak garatzeko. “Lurraldearen beharrak etengabekoak dira, ez doaz hauteskundeetako egutegiekin bat. Gutxi gorabehera hemendik urtebetera arte ez da hauteskundeetako lehia hasiko, eta ordura arte Euzko Alderdi Jeltzalearen batzarkideek Arabako biztanleen galdera eta behar asko ase ditzakegu eta ase nahi ditugu”, bukatu du Iturritxak.