Batzarkide talde jeltzaleak ekimen honen sustatzaileekin bat egin du eta Foru Aginduak udalaren garapena arriskuan jar dezakeela adierazi du. Gogoratu beharra dago Arana Bailarako Udalaren Osoko Bilkurak aho batez onartu zuela Foru Aginduaren aurkako administrazioarekiko auzietako prozedura martxan jartzea eta Batzar Nagusien babesa eskatzea.

Era berean, talde abertzaleak Arana bailarako alkatearen eta egitasmoaren Administrazio Batzordean inplikatuak dauden ordezkarien aurkezpena eskatu du. Honela, azken hauek, eskualdearen garapenerako dituzten helburu eta aurreikuspenak talde politiko guztiei azal diezazkieten.