Arratsaldeko bostetatik aurrera interneteko www.iristen.net/partehartu helbidera sartzen direnek Mikel Martinez bozeramale jeltzaleari nahi beste galdera egin ahal izango dizkiote Andre Maria Zuria plazaren berrikuntza proiektuaren inguruan.

“Dudarik gabe, hau izan da udan Gasteizen pil pilean egon den gaietariko bat, eta konturatu gara herritarren iritzi zuzena falta dugula proiektu honen eta berau kudeatu den moduaren inguruan. Andre Maria Zuria plaza berritzeko planaren barruan zerbait falta izan da orain arte, hain zuzen ere, partaidetza”, aipatu du Vale Tena Herritarren Partaidetza saileko zinegotzi jeltzaleak.