Bereziki kezkagarria da, 13 milioi euro gastu korronteko partida berrietara igaro direla, eta aurrekontu proiektuan hasieran agertzen ez zen diru-laguntza ugari aurki daitekeela, nahiz eta Diru-laguntzen Ordenantzak ezarritako baldintzetara ez diren makurtu.

EAJren Udal Taldearentzat oso kezkagarria da Hirigintza bezalako sailek aurrekontu erdia baino gehiago gastatu gabe utzi izana 2005ean. Zehazki, udaleko sail horri egokituriko 83 milioi eurotatik 37 bakarrik erabili ziren, hau da, aurrekontuan ezarritako guztiaren % 44,5a bakarrik. 2005ean aurrekontuak kudeatzeko modu kaskarrari, soberan geraturiko 75 milioi euroak 2006ko aurrekontuari eransteko iluntasuna gehitu behar zaio.