Berri txarren iturri nagusia garraioaren sarean bertan datza. 1998an 11.500.000 bidaiari izan zituzten linea horiek aurten 9.785.000 erabiltzaile baino ez dituzte izango, ia bi milioi gutxiago.

Arduratzeko moduko beste egoera bat TUVISAren bitarteko materialei dagokiena da. “Gertatzen ari den ibilgailuen berrikuntza ez da nahiko. Laster beste ibilgailu partida bat erosi behar da eta ez dugu horri buruzko inoako berririk. Beste alde batetik, TUVISAren informatizazioa erabateko porrota eta iruzurra izan da”, zehaztu du Antiak, eta adierazi du egoera kaotiko hau ez ezik, Agirrelandako gordelekuen egoera negargarria ere izan behar dela gogoan.