Igerileku handian sortu den arrakala kiroldegi osoan agertzen ari diren akats eta gabezia ugarietako azkena baino ez da. Umeen igerilekuak, esate baterako, inauguratu zen egunetik kloroa erregulatzeko sisteman arazo bat dauka, eta horregatik behin eta berriro itxi behar izaten da. Igerilekuen esparruan, perimetroko baldosetan arazoak daude, metalezko elementuak herdoilduta daude, aldageletan ez dago ez irristatzeko moduko zorurik, sartzeko dutxetan ez dago ur berorik, gainjanzkiko panelak erori dira hezetasunaren ondorioz, biltegian eta sorosleen aldageletan espazio gutxi dago, eta isolamendu akustikorik ez dago.