“Arabak foru-aldundi irekia behar du, ilusioa berreskuratu behar du, beste erakundeekin harreman adeitsuak hartu behar ditu berriro eta kudeaketa eraginkorra egin behar du; EAJk urteetan erakutsi du eraginkortasun hori bermatzeko gai dela”, nabarmendu du.

Ahaldun nagusi izateko hautagaiak Kanpezun azaldu du Arabak proiektu esanguratsuak behar dituela. “PPk ez du izan eta egun ere ez du Arabarentzako proiekturik. Desagertutako UAren arrazoibide zahar eta biktimista berreskuratu du; egun, ordea, ez du Araba garatzeko inolako proiektu esanguratsurik proposatu”, amaitu du.