“Kontua ez da zauriak berriro zabaltzea, batzuek dioten bezala; beharrezkoa da, ordea, horiek ixtea. Ezin ditugu haiek ahaztu. Zilegi da lau hamarkadatan diktadura jasan behar izan zuten eta, orain, soil-soilik demokrazia babesteagatik fusilatutako hamasei preso politikok ordezkatuta dauden guztiei omenaldia egitea”.

Mikel Martínezek hitzeman du, datorren legegintzaldian EAJri badagokio gobernatzea, monumentua jarriko duela diktaduraren biktima guztien omenez. Bozeramaile abertzalearen ustez, “arrazoi nahikoak daude Gasteizko kaleetan lekukotza iraunkorra uzteko, gogoan izan ditzagun hainbat urtez hilobi duinik izan ez zuten pertsonen aurka egindako krimenak, erbestean edo espetxean egon behar izan zuten pertsonak eta hainbat urtez isilpean gorde ziren egoera ugari”.