“Oso zaila egiten zait ETAk epe laburrera zer egingo duen ulertzea”, adierazi du Gerenabarrenak bake prozesuaren egoera delikatuari erreferentzia eginez. “Optimismo mezua bidali nahi dut: ETAren biolentzia zikloa estrukturalki amaitzeko zorian dago... Ez dakit epe laburrera zer azken ekintza egingo dituen, edota zer gertatuko den. Baina epe ertainera ETAren indarkeria desagertu egingo da euskal panorama politikotik”, esan du.

AABren presidenteak ondokoa ziurtatu du: “Eusko Jaurlaritzaren hirukoak funtzionatzen du, aldian-aldian babesa behar izaten du Legebiltzarrean, eta litekeena da horixe bera gertatzea berriro ere Arabako hurrengo foru-aldundian. Agian halaxe izango da, eta, hala bada, Arabarentzako gobernurik onena izango da”.