Interneteko bi helbideetan Agirreren eta Martínezen proposamenei buruzko informazioa eskaintzen duten hainbat atal aurki daitezke, baita bi hautagai-zerrendak osatzen dituzten taldeak ere. Gainera, internautei euren iritziak, iradokizunak eta galderak bidaltzeko aukera emango diete.

EAJk teknologia berriekiko eta horiek erabiltzeko interesa agertzen jarraitzen du, aurreko hauteskunde-kanpainetan eta aurki amaituko den legegintzaldian erakutsi duen moduan. Esaterako, gogoratu behar da Gasteizko Udalean EAJren taldea izan dela web orria eduki eta hiriko gaiei buruzko txatak antolatu dituen lehenengoa eta bakarra.