Euskadi Irratiari eskainitako elkarrizketan, Gerenabarrenak adierazi du Arabaren eta Nafarroaren etorkizuna “nahiko lotuta” dagoela eta adierazi, “ziurrenik PSE eta PPko kideek Madrildik datorren agindupean” jardungo dutela, “bai Nafarroan, bai Araban”.

Halaber, buruzagi jeltzaleak onartu du hiruko gobernuaren formula ez dela nahikoa diputatu nagusirako beren hautagaia aukeratzeko. Hori dela eta, adierazi duenaren arabera, “ikusi egin beharko da norekin iris gaitezkeen akordiora, elkarri babesa emateko eta batera gobernatzeko”.