Alkateak duela gutxi iragarri duenez, bihartik aurrera (hilak 18) Udalak ez du Erdi Aroko hirigunean erabili gabe dauden merkataritzako lonjak etxebizitza gisa gaitzeko lizentzia gehiago emango, eta horrek zenbait erreakzio eragin ditu Jeltzaleen Taldean. Talde honek hori guztia onuragarria izan daitekeela uste du, baldin eta horrela gai hori eztabaidatu eta hausnartzeko epealdia abiarazten bada. “Gaia jorratuko dugula agintzen dugu, bai, baina duela urtebete Korporazioan gehiengoa duten hiru taldeentzat baliozkoa zena ezin bilaka daiteke bapatean gai negatibo eta kaltegarri. Ez da bidezkoa Alderdi Popularrak –orduan gobernuan izaki neurri horretaz harro zegoenak– orain esatea bazekiela espekulazio-prozesuak gertatuko zirena. Bestalde, sozialisten gobernu-taldeak ere egoera hori aurreikus zezakeen, eta azkarrago jardun; izan ere, EAJk behin eta berriro eskatu du lokal horien prezioak eta mota guztietako baldintzak araupetuko dituen ordenantza egiteko”, adierazi du Martinez jeltzaleak.