Radio Euskadik egindako elkarrizketan esan du gertaera hau «beste askoren gisako gertaera bat» dela, lehendakariaren aurka Batasunako buruzagiekin biltzeagatik irekitako auzia edo «eskumenen inguruko gaiak» diren bezala.

Gogorarazi du birritan epaitu dituztela eta bi aldietan errugabe jo dituztela, eta ondoren gaitzetsi du hiru aldiz joan behar izan dutela Auzitegi Gorenera, zerbaitek itxuraz nahikoa haserrarazi dituen arte. «Esatea “epaia ez zait gustatzen, egin ezazu beste bat, ez zait epaia gustatzen, egin beste bat, eta itxaron, orain ez, nik egingo dizut bat zure neurrira", hori bai dela herritar guztiok justiziak eman behar dizkigun berme guztiak galtzea. Izan ere, epaia hiru pertsonentzako neurri-neurrira egitea da hori», adierazi du.