Talde jeltzaleak azaldu duenez, goizean, Gizarte Ongizateko Batzordean, PPk Covadonga Solaguren Gizarte Politika eta Gizarte Arazoetarako diputatuaren agerraldia bertan behera uzteko eskatu du, Batzar Nagusietako talde berorrek eskatutakoa alegia. Hain zuzen ere, Gizarte Ongizaterako Foru Erakundean Euskararen Erabilera Normalizatzeko Plana azaltzea zen agerraldi horren xedea.

"Ez da lehenengo aldia Alderdi Popularrak Arabako Gobernuari pila bat itaun egin eta, azkenean, egoki den batzordean erantzunik gabe geratu izana, hain justu ere PPk batzordean bertan agerraldia bertan behera uzteko eskatu ondorik", salatu du talde jeltzaleak.