Komunikabideen aurrean egindako agerraldian, Gerenabarrenak esan du datozen hauteskundeek berebiziko garrantzia dutela euskal herritarrentzat. ABBren presidenteak jakinarazi duenez, EAJk emaitza onak lortzea behar-beharrezkoa da, «alderdi jeltzaleak Estatuan egingo den politika eta Estatuak Euskadin egingo duen politika erabaki eta markatu ahal izateko gaitasuna izan dezan».

Ordezkaritza erabakigarria lortzeko ordua dela adierazi du, datozen egunetan sor litezkeen mugimendu politikoei erreferentzia eginez. Bestalde, nabarmendu du hauteskunde hauetan ez dela datorren legealdiko presidentea José Luís Rodríguez Zapatero edota Mariano Rajoy izango den bakarrik erabakiko. «Zapatero-Rajoy eztabaidaz harago bada bizitzarik», baieztatu du.