Horixe adierazi du EAJren hautagaiak Gasteizen egindako hauteskunde ekitaldian, Euskal Autonomia Erkidegoko Justizia Auzitegi Nagusiak planteatutako epaiketa aurreko arazoaren ahozko bistaren gainean. Epaiketan, EAEk zerga-sistemari dagokionez daukan gaitasun arautzailea da auzigaia.

Olabarriak adierazi du tamalgarria dela Auzitegi Konstituzionalaren Lege Organikoa erreformatzeko aukera paregabea ez aprobetxatu izana Kontzertu Ekonomikoari behin betiko eta erabateko babesa emateko. Olabarriak PPri eta PSOEri ezer egin ez izana egotzi die, EAJk Kongresuan Kontzertua babesteko planteatutako zuzenketen inguruan.