Bilboko Plaza Berrian ospatu den Aberri Egunean buruzagi jeltzaleak azaldu duenez, “Zapaterori ere esan nahi diogu beherapenen ituna proposatzen badigu, ez gaituela ondoan izango”.

Urkullurentzat, “maiuskulekin egindako politikaren garaia da. Madrilen esan genuen eta Aberri Egunean berriz azpimarratu nahi dugu”.

“Gu, EAJ, egoerak eskatzen duen mailan gaudela erakutsi dugu urte guzti hauetan. Estatuaren bizkarrezurraren eraikuntzan parte hartu eta gure burujabetasunaren berreskurapenaren liderrak izan garela erakutsi dugu. Orain, negoziaketarako prest gaude berriz” azpimarratu du.

Aurretik, Juan Jose Ibarretxe lehendakariak Euskal Herriak herri gisa aurrerapauso bat egiteko beharra duela azpimarratu du. "Norbaitek uste badu euskal herritarren nahia Espainiarenetan nahastuko dela, jai dauka", esan du Ibarretxek.