2008/05/29

Gasteizko EAJ udal-taldeak landa inguruetara joateko mikrobusak erabiliko dituen garraio publikoko zerbitzu bat proposatu du

Gasteizko Udaleko EAJ udal-taldeak landa ingurunera joateko garraio publikoko zerbitzu bat sortzeko proposamena aurkeztuko du TUVISAren kontseiluan. Garraioa mikrobusen bitartez egingo da eta udal-mugarteko hainbat herri autobus linea nagusiekin lotuko ditu. Talde abertzalearen arabera, 63 udalerri txikienak hainbat jardun eremutan banatuko dira. Eremu bakoitzean edukiera ertaineko ibilgailu bat jarriko da udalerri ezberdinetako biztanleak beren herritik hurbilen dagoen hiriko autobusaren geltokiraino –eta etorkizunean tranbiaren geltokiraino– eramateko.