2006ko ekainean, EUDEL Euskal Udalerrien Elkarteak eta Eusko Jaurlaritzak hitzarmena sinatu zuten, programa horren garapena sustatzeko xedearekin. Gobernu-taldeak izandako pasibotasunaren aurrean, urte eta erdi geroago Udalaren Osoko Bilkurak aho batez Gasteiz prestazio-mota horiek bultzatzen dituzten udalerrien artean sartzeko izapideak lehenbailehen abian jartzeko erabakia hartu zuen.

Osoko bilkura horretan hartutako erabakitik bederatzi hilabete igaro ondoren, gobernu-taldeak ez du martxan jarri bere gain hartutako konpromisorik. Hori dela eta, “gure gizarteko kolektiborik ahulenen aldeko interesik eza” erakutsi du, Hain zuzen ere, “adingabeen eta gazteen taldea da. Edozein arau-hauste egin ostean gizarteratu eta berriro hezi behar dira eta horren gaineko erantzukizuna ordezkari publikoei dagokie. Ezin dugu begiratu beste alde batera, gobernu-taldeak egiten duen bezala, nerabe askoren etorkizuna jokoan baitago”, azpimarratu du Gizarte Zerbitzuen eremuko EAJ alderdiaren Nerea Melgosa bozeramaileak.