“Udalak hiritarrekin konpromisoa hartzea nahi dugu, kultura toki politiken ardatzetako bat izan dadin. Gobernua kulturaren esparrua Aurrekontuan eta Udalaren organigraman  baztertzen ari dela ikusten ari garen une honetan, egoerari buelta eman nahi diogu adierazpena izenpetzetik harago doan proposamen baten bidez” adierazi du Iñaki Prusilla Kultura alorrerako bozeramaile jeltzaleak.

Zentzu honetan, Prusillak zehaztu du Gasteiz hiria Kulturaren Agenda 21ean sartzeak lehen ondorio praktikoa izan beharko lukeela: kultur esparrurako toki estrategia egitea. “Horrela, politika kulturalak gobernu zehatz baten apeten gainetik jarri nahi dugu. Kultur estrategia propioa izatea diru laguntasunak banatzeko diseinutik edo egitasmo batzuk beste batzuekin ordezkatzetik harago doa: horrek hiriarentzako helburuak markatzea eta adierazle zehatzekin neurtzea ahalbidetzen digu” baieztatu du EAJ-PNVren zinegotziak.