2012/02/06

Gasteizko EAJ-PNVk neurri eraginkorrak eskatu ditu Salburuako Boulevard-ean abiadura kontrolatzeko

Gasteizko Udaleko EAJ-PNVren Udal Taldeak doluminik sentikorrena adierazi die Salburuako boulevard-ean izandako trafiko istripuko biktimen senideei eta gobernu taldeari eskatu dio berehalako neurri eraginkorrak har ditzala gune horretan abiadura kontrolatzeko. Atzoko istripu tragikoaren eraginez bi hildako gertatu ziren eta agerian utzi du bide honetako segurtasunik eza. “Erarik txarrenean ikusi da trafiko sareko puntu beltza dela, abiadura altua ematen da eta bitarteko guztien bidez egin behar zaio aurre: premiaz egin behar da kontrol eta behaketa handiagoa eta epe ertainera trafikoa lasaitzeko ekimen errealak egin behar dira” azaldu du Blanca Guinea Hiritarren Segurtasunerako bozeramaile jeltzaleak.