Iragan den ostiralean, Marotok iragarri egin zuen Udal Aurrekontuen tramitazioa bertan behera utziko zuela Arabako Foru Aldundiak gutun batean aurtengo zailtasun ekonomikoez informatu ostean.

EAJ-PNVren ordezkariek azaldu dutenez Javier De Andresek baieztatu zuen jakinarazpen hau arabar udal guztietara bidali zela. EAJ-PNVk argi utzi du “jaso duen bakarra Maroto izan da, eskura eman zitzaion gutunazalak ez baitu irteera zigilurik”.

Zentzu honetan,Ramiro Gonzalez Arabar Batzar Nagusietan EAJ-PNVren bozeramailea denak salatu du gutun hori “berariaz egin zen Gasteizko Udaleko aurrekontuen kentzea zuritzeko”.