Nerea Melgosa Talde Jeltzalearen barruan Gizarte Gaietarako bozeramaileak baieztatu duenez “neurri guztiz diskriminatzailearen aurrean gaude, oso gizarte sektore ahulari eragiten dio, eta eraso hauekin PPk etekin politikoa ateratzea du helburu”.

“Osoko Bilkura da era honetako modifikazioa aurkezteko tokia, eta alkateak bere asmoa iragarri duen modua aztertuta, argi dago ez duela gainerako alderdien babesik nahi. Araua urratuko du neurri hau Korporazioaren berrespenik gabe aplikatzen badu. Iragarpen honekin guztiz eztabaida  alderdikoia eragin nahi du etorkinen inguruan, PPk behin eta berriro egin baitu biztanle sektore  honen aurka” azaldu du Melgosak.