Alderdi guztietan barne hauteskunde prozesuak “alderdikideen arteko tentsioak” eragiten dituztela onartu ondoren, Agirrek azpimarratu du, bere aurkaria, Iñaki Gerenabarrena ABBko presidente ohiak zoriondu egin zuela eta iragarri duenez “ boterearen esku aldaketa izenarekin ezagutzen dena egiteko eguna hitzartu genuen”.

"Batzarrean bertan amaitu zen norgehiagoka eta barne lehiaketa, eta orain egin behar duguna da taldea eratzea. Denok gara beharrezko eta Araba abertzale eta demokratikoa eraikitzen jarraitu behar dugu, arabar gizarteari soluzioak emateko helburuarekin” azpimarratu du.