“Jeltzaleok legegintzaldi honetarako lehentasun jotzen dugun arloan, lehenengo eta behin irizpiderik gabeko murrizketak egin ziren,eta orain ikusten dugu gobernua guztiz arduragabe dagoela geratzen den dirua inbertitzeko orduan. PP alderdia udal lanpostuak ezabatzeaz gain, eskuan dituen baliabideak ere ez ditu enpleguak sortzen inbertitzen, eta ez dezagun ahaztu udalerri honetan urrian 20.752 langabe zenbatu direla" azaldu du Gorka Urtaran bozeramaile jeltzaleak.

“Sustapen Ekonomiko arloko gastua zenbat eta gehiago aztertu, ageriago dago PPren koherentzia eta zorroztasunik eza, eta argiago geratzen da Marotorentzat enplegua ez dela inolako lehentasuna. Iraingarri jotzen dugu, oraingoak moduko krisi garaiotan, gobernua horrenbesteko arduragabetasunez aritzea" esan du Urtaranek. Aldi berean esan duenez "baldintza horietan, ezinezkoa da PPrekin aurrekontuen inguruko akordio batera heltzea, ez daitezela EAJrengana akordio eske etorri. Sustapen ekonomiko eta enplegurako politikek 180 graduko buelta eman beharko lukete gure adostasuna jaso ahal izateko" .