Auzia aurreko asteko asteazkenean piztu zenetik, Urtaran etengabeko harremana mantendu du Eusko Jaurlaritzako Ogasun Saileko arduradunekin. Ondorioz, baikor dago egun gutxiren buruan akordio bat lortzearen inguruan .

Javier Marotok datorren ostiraleko Bilkuran eztabaidatzeko eta, Lehendakariari zuzenduta, Legebiltzarrean erregistratu duen galderari buruz, Urtaranek uste du ez dela eztabaida horretara heldu behar. "Kasu honetan, eraginkorragoa da diskrezioa eta Eusko Jaurlaritzarekin konplizitatea bilatzea, Iñigo Urkulluri legebiltzarrean galdetzea baino. Marotori lasai egotea eskatzen diogu, elkarrizketak ondo bideratuta daudelako" amaitu du Gorka Urtaranek.