Gaur goizean Lehendakariaren eta alkatearen artean ospatu den topaketa albiste on batez itxi da: hiriburutartasun kanona 2013 urterako ez eze, Eusko Jaurlaritzaren oraingo legegintzaldi osorako ere geratu da konfirmatuta.

“Oso pozik gaude, Lehendakariak Udal Talde honek egin zion eskariari erantzun diolako. Sintonia erabatekoa da. Izan ere, Osoko Bilkuran aurkeztu genuen zuzenketan idatziz jarri genuen Eusko Jaurlaritzak Euskal Autonomi Erkidegoko hurrengo Aurrekontuetan  Vitoria-Gasteizerako partida berezia jartzea, bere hiriburutartasuna indartzeko inbertsio eta zerbitzuak gauzatzeko. Lehendakariaren erantzuna berehalakoa izan da" zehaztu du Urtaranek.