Vitoria-Gasteizko udaleko EAJ-PNVren Udal Taldeak datorren ostiraleko Osoko Bilkuran planteatuko du Sustapen Ministerioari Forondako aireportuaren operatibotasuna berreskuratzea eskatzeko mozioa. Gorka Urtaran bozeramaile jeltzaleak Rajoyren Gobernuari eskatuko dio Gasteizko terminalari eman diezaiola Zaragozako aireportuari eman zaion tratu bera.

Azken aireportu honetan ez da ordutegiaren murrizketa egin, aireportuen azpiegituren arrazionalizazio planean ez sartzeko baldintza bezala, urtean milioi erdi bidaiarien kopurua izatea lortu ez arren. Zaragozako aireportuak 457.284 bidaiari izan zituen iaz .

“Aireportu honen alde egiteko erabaki politikoaren bidez Zaragozarekin salbuespena egin ahal izan bada, gauza bera eskatzen dugu Vitoria Gasteizerako. Ez dago argudiorik Foronda marjinatzea arrazoi dezaketenik, eta azken aldi honetan Loiutik Bartzelonaraino hegaldiak besteratu izana bezalako zentzugabekeriek erakusten digute, eraginkortasuna nahi bada, berehala eman behar direla Forondaren operatibotasun osoa berreskuratzeko urratsak" esan du Urtaranek.