Gorka Urtaran alkatea, Bizikidetzako zinegotzi Nerea Melgosa, udal talde politikoen ordezkariak (Bildu eta Irabazi izan ezik) eta gurutzea eraikitzea sustatu zuten gasteiztarren (Apraiz, Sáenz de Olazagoitia eta López de Guereñu familiak) senideak bildu dira gaur goizean hantxe, monumentuaren historiaren berri ematen duen xafla desestaltzeko ekitaldian.

Xaflak dioenaren arabera, gurutze hau “Gasteizen 1951ko azaroaren 4tik 18ra bitartean egin zen Misio Santua oroitzeko asmoz egin zen. Monumentu hau asmo erlijioso hutsez sortu zen, eta herritarren artean eginiko diru-bilketa bidez ordaindu. Alabaina, diktadura frankistako agintariek sinbolo politiko bihurrarazi zuten halabeharrez, gurutzearen oinarrian errepublikarrek hildako apaiz arabarren izenak gehitzearekin bat”.

“Gurutze horren jatorria herri ekimen bati esker sortu zen eta ozpakizun erlijiosoa gogoratzeko sortua zen”, esan du Gorka Urtaran alkateak.