Euskal Taldeak babestu egin du 16/2020 Dekretua, Justizia Administrazioaren izapidean COVID-19ari aurre egiteko prozesu- eta antolaketa-neurriei buruzkoa, eta hala egin du "Administrazio judizialean normaltasunera itzultzeko adostasunak bilatzeko garaia delako".

Dekretua baliokidetzeari buruzko eztabaidan, Mikel Legarda Euskal Taldeko Justizia bozeramaileak gogorarazi du "Justizia zerbitzu publikoaren funtzionamendu onaren menpe" daudela "bizi-proiektuak, erabaki ekonomikoak eta oso bereziki oraingoa moduko garaian". Hori dela eta, arau horrek "gaur egungo egoerari erantzuteko lehen urratsa izan nahi duela" esan ostean, Dekretuaren aldeko botoa justifikatu du, "Ez baliozkotzea are okerragoa izango litzatekeelako".

Hitza hartu duenean, Legardak agerian utzi du "Justizia ez dela pandemiaren ondorio suntsitzailetik kanpo geratu", eta gogorarazi duenez "dagoeneko kolapsatuta dagoen zerbitzu publiko bati kolapso berri bat gehitu zaiola, Koronabirusaren krisiak eragindako geldialdiagatik". Horrez gain, Legardak esan duenez, "Osasun-larrialdiaren ondorioak arintzeko hartutako neurriek eragindako auziak" ere aipatu behar dira. Hala, eta Botere Judizialaren Kontseilu Nagusiak egin bezala, diputatu jeltzaleak adierazi du "salbuespenezko eta inoiz ikusi gabeko egoera" baten aurrean gaudela, "Eta erantzun bat eman behar zaiola hemendik aurrera, are gehiago alarma-egoera desagertu ondoren, zerbitzua suspertzeko, kolapsoa saihesteko eta funtzionarioen, profesionalen eta publiko orokorraren segurtasuna bermatzeko".

 Nolanahi ere, Euskal Taldeko diputatuak adierazi du Errege Dekretuaren proposamenetako batzuk "eguzkiari aupada egitea” bezala direla, "Inbertsio handia" eskatzen duten neurri teknologikoak, esaterako, baina beste neurri positibo batzuk aipatu ditu, hala nola etendako epeak zenbatzeko arauak, enpresen likidazioa saihesteko konkurtso-neurriak, aurrez aurrekoa derrigorrezkoa ez izatea edo Abokatutzaren Kontseilu Nagusiarekin abuztuaren zati bat justizia lanetarako gaitzeari buruz eta neurri honek izan dezakeen irismenaz eta ezarri beharreko baldintzei buruz negoziatzeari dagokiona.

Amaitzeko, Legardak ohartarazi du neurri estrukturalak jasoko dituen legea, Justizia Ministerioak iragarri duenak, Lege Proiektu gisa bidali beharko dela behar diren txosten guztiekin eta ez “Lege Dekretu gisa, berretsiko ez genukeena, edo Lege Proposamen gisa, onartuko ez genukeena”.